ಹಿಂದಿನ ಬಾರಿ ಸೌರ ದೀಪದ ಬಗ್ಗೆ ಬರೆದಿದ್ದೆ. ಇತ್ತೀಚೆಗೆ ಸೌರ ದೀಪ ಕೊಳ್ಳುವ ಅಭೀಪ್ಸೆ ಹೆಚ್ಚಾಗಿ ಅದರ ಬಗ್ಗೆ ಹೆಚ್ಚಿನ ಹುಡುಕಾಟಕ್ಕೆ ಕಾರಣವಾಯಿತು. ಅಂತರ್ಜಾಲವನ್ನೆಲ್ಲ ಜಾಲಾಡಿ ಕೊನೆಗೆ ಡಿಲೈಟ್ ಕಂಪನಿಯ ನೋವಾ ದೀಪ ಕೊಂಡಾಯಿತು. ಅದನ್ನು ಕೊಳ್ಳಲು ಇದ್ದ ಕಾರಣಗಳು - ೧. ದೀಪ ಎಲ್.ಇ.ಡಿ (ಲೈಟ್ ಎಮಿಟಿಂಗ್ ಡಯೋಡ್) - ಇದು ಸಾಮಾನ್ಯ ಸಿ.ಎಫ್.ಎಲ್ ಗಿಂತ ಹಚ್ಚು ಬಾಳಿಕೆ ಬರುತ್ತದೆ. ದಿನ ಕಳೆದಂತೆ ಎಲ್.ಇ.ಡಿ ದೀಪಗಳು ಹೆಚ್ಚು ಹೆಚ್ಚು ಉಪಯೋಗಿಸಲ್ಪಡುತ್ತದೆ ೨. ತಗಲುವ ಖರ್ಚು - ಅತಿ ಕಡಿಮೆ ದರಕ್ಕೆ ಮಾರುಕಟ್ಟೆಯಲ್ಲಿ ದೊರೆಯುವ ಸೌರ ದೀಪ ಎಂದರೆ ಇದೆ. ೩. ದೀಪದ ಬೆಳಕು - ಮೂರು ನಾಲ್ಕು ಬೆಳಕಿನ ಪ್ರಕರಣತೆ. ಹೆಚ್ಚು ಬೆಳಕು ಬೇಕೆಂದಾಗ ಹೆಚ್ಚು ಕಡಿಮೆ ಬೇಕೆಂದಾಗ ಕಡಿಮೆ ಮಾಡಿಕೊಳ್ಳುವ ವ್ಯವಸ್ಥೆ. ೪. ಈ ದೀಪದ ಹಿಂದಿರುವ ಇತಿಹಾಸ.
ಬಹಳ ಚೆನ್ನಾಗಿ ಕಾರ್ಯನಿರ್ವಹಿಸುತ್ತಿದೆ ಈ ದೀಪ. ಕೊಂಡ ಮೇಲೆ ಕಂಡುಕೊಂಡ ಇನ್ನೊಂದು ವಿಷಯ - ಈ ದೀಪವನ್ನು ವಿವಿಧ ಕೋನಗಳಲ್ಲಿ ಬಳಸಬಹುದೆಂದು. ಬಹಳ ಶ್ರದ್ಧೆಯಿಂದ, ಕಾಳಜಿಯಿಂದ ತಯಾರಿಸಲ್ಪಟ್ಟಿದೆ.
0 comments:
Post a Comment