ಕರೋನಾ ವಾಣಿ

ಹೆಚ್ಚೇನಿಲ್ಲ ನನ್ನ ಅವಾಂತರ
ಇಂದೇ ನಾನು ಹೊರಟರೂ ಭೂತಾಯಿಗೆ ಗಂಡಾಂತರ
ತರುವಿರಿ ಮನುಜರು ನೀವು ನಿರಂತರ

ಇಷ್ಟಾದರೂ ಕಲಿತಿಲ್ಲ ಜನತೆ ಪಾಠ
ಸುಖಾಸುಮ್ಮನೆ ಬೀದಿಗಳಲ್ಲಿ ಓಡಾಟ
ಸ್ವಚ್ಛತೆ ಇಲ್ಲದೆಡೆ ಮಾಡುವಿರಿ ಊಟ

ಏರಿಸಿದಿರಿ ನೀವು ನಿಮ್ಮ ಸಂಖ್ಯೆ
ಬಗೆದಿರಿ ಭೂತಾಯ ಒಡಲ ಇಲ್ಲದೆ ಅಂಕೆ
ಪ್ರಾಣಿ ಪಕ್ಷಿಗಳನು ಕೊಂದಿರಿ ಮೂಡದೆ ಶಂಕೆ

ನೀವುಗಳು ಕಲಿಯದೆ ಪಾಠ
ನಾ ಕೀಳೆನು ಓಟ
ಇಂದು ಓಡಿಸಿದರೂ ಮತ್ತೆ ಬರುವೆ, ನಿಲ್ಲುವವರೆಗೂ ನಿಮ್ಮ ಹಾರಾಟ!!
*****